হৃদয়ৰ দুৱাৰখন খোলা
মই আহিছো চোৱা সুশীতল পৰশত
নিয়ৰৰ মুকুতামণিবোৰে জনাইছে আমন্ত্ৰণ
তোমাৰ পদুলিত হেমন্ত গুঞ্জন
কুঁৱলীৰে ভৰা তথাপিও স্বচ্ছতা
শীতৰ বতাহ ফালি আহিছে হেমন্তৰ বতৰা ।
চাৰিওফালে হেমন্ত পূৰ্ণতা প্ৰাপ্তি
ঋতুত নদন বদন
প্ৰকৃতিৰ পৰশনত ৰদৰ কোমল আৱৰনত
ধান চপোৱা,লহপহীয়া শাক-পাচলি শস্য
গ্ৰাম্য জীৱনৰ একোখনি
পৰিপূৰ্ণ চিত্ৰ জিলিকি উঠিছে আনন্দত,
হিমসিক্ত হেমন্ত ।
পুৱাৰ আৰু শীতৰ সন্ধিয়াত বাট ভেটি ধৰা
বাহিৰতকুঁৱলীৰে আৱৰা
ৰিব ৰিব শীতৰ বতাহজাকে আনিছে
হেমন্তৰ বতৰা
যদি কেতিয়াবা ধুমুহা পদীয়াত হোৱা
ক্ষোভ নানিবা, ক্ৰোধান্বিত হ'ব,
হেমন্ত স্বচ্ছতাই ধোৱাই দিব ।
পৃথিৱীও আমাৰ সতে হ'ব অনাবৃত,
মই যে তোমাৰ হেমন্ত
প্ৰেমিক যুগ যুগান্তৰ,
হৃদয় দুৱাৰ খন খোলা
মই আহিছো চোৱা ।
