পিতাই অ'
হিলদল ভাঙি
আঘোন আহিছে
যেন সোনৰ এখনি দলিচা ৷
ভঁৰাল বিৰিয়া পাতে
বৰকৈ হাঁহিছে পিতাই
এইবাৰ হয়তো বছৰেক আঁটিব
ঘৰৰ চাউলেৰে ৷
আইক ক' দিনবাৰ গনি লগাবলৈ
কাঁচি সপোনৰ সোন গুটিত ৷
পিতাই অ'
এইবাৰ ভালদৰেই খাম
ন ধানেৰে এসাঁজ
সপোনবোৰ পূৰণ হৈছে আই,
ভনী সকলোৰে মুখবোৰ ৰঙীন ৷
পিতাই, আবেলিলৈ আনিম গৈ
তই আৰু মই ঘৰলৈ নতুন আলহী,
বৰযাত্ৰী হৈ সোমাবহি
জুনুক জানাক কৰি,
পিতাই, আঘোন আহিল
মনৰ ৰং বাহিল
সাজু হ' জীৱনৰ ৰং চাবলৈ ৷
