তোৰ গৰ্ভতে চাগে মই শুনিছিলো
ভাৰত মাতৃৰ জয়গান,
তোৰ গৰ্ভতে চাগে কান্দিছিলো
জীৱন ত্যাগী সৈনিক সকলৰ
অকাল মৃত্যুৰ পাই সন্দিহান ৷
আজি চকুৰে দেখিছো
সৈনিক ককাইদেউ সকলক
দেশৰ স্বাৰ্থত দহৰ স্বাৰ্থত,
তেওঁলোকে দিছে আত্ম বলিদান ৷
আই মোৰো মন গৈছে
সেই পোছাক যোৰ পিন্ধি,
কান্ধত বন্দুকটো লৈ,
ভাৰত মাতৃৰ জয়গান গাবলৈ ৷
আই তোক মই নিঃসন্দেহে কৈছো
দেশৰ হকে প্ৰাণ ত্যাগী যুঁজিম,
অলপো মৃত্যুলৈ নাই ভয়
বুকু ফিন্দাই আগুৱাই যাম
শত্ৰুক ৰোধিবলৈ,
কাৰণ মই তোৰ বীৰ সন্তান ৷
আই তোৰ নামেৰেই সৃষ্টি হোৱা দেশ খনক
ৰক্ষা কৰিব যাব ওলাইছো,
গতিকে আই তই বাধা নিদিবি ৷
যদি ইয়াৰ বাবে মই সমাধিস্থও হওঁ,
তই বাউলি নহ'বি আই ৷
গোলাঘাটৰ জিণ্টু গগৈ ককাইদেউৰ আই দৰে,
তই দিবি প্ৰতিজন জোৱানক
দেশৰ হকে প্ৰাণ ত্যাগিবলৈ,
এয়া মোৰ তোলৈ কাতৰ আহ্বান ৷
