অকাৰণে জীয়া জুইত
নিঃশেষ নকৰিবা মোৰ অস্তিত্ব
অগোচৰে খেদি ফুৰিব
তোমালোকৰ অস্বচ্ছ হৃদয়,
জুইৰ লেলিহান শিখাত নিগৰিত
মোৰ অশৰীৰী আত্মাই ছানি ধৰিব
তোমালোকৰ ঢিপ- ঢিপ কলিজা
প্ৰজ্বলিত জুইৰ তপত তাপতো
কোনোদিনে নুশুকাব
কেতিয়াবা নিগৰি অহা
তোমালোকৰ চকুৰ চকুপানী
পুনৰ কৈছো
নিঃশেষ নকৰিবা মোৰ অস্তিত্ব
মোৰ অস্তিত্বই মোৰ আচল পৰিচয়
মইযে সত্য, শুদ্ধ, স্বচ্ছ ৷
ঠিকনাঃ পাঞ্জাবাৰী ৰোড,
ফকৰুদ্দিন আলি আহমেদ নগৰ,
পুৰানবস্তি, কৰবী পথ,
৯নং উপ পথ,
গুৱাহাটী- ২২ ৷
