দুখৰ এপিতাফ (মাষ্টাৰ ধ্ৰুৱ)

তই দিয়া মদিৰা পান কৰি কৰি

হৃদয়ত এটুকুৰা কেঁচা ঘাঁ বাট ভেটি ধৰিছে

এবুকু ক'লা ডাৱৰ দুখবোৰ

ক্ৰমে ক্ৰমে নীলা হৈ আহিছে

মম গ'লাদি টোপা টোপে নিগৰে অশ্ৰু ।

দুখন হৃদয়
মাজত এখন দেৱাল
আধা হৃদয় লৈ

মই এতিয়া মৃত আধা হৃদয় লৈ চুচৰি আছো
মৃত শৰীৰটো টানি টানি ।

চিনাকি পথটো আজি অচিনাকি কাৰণ...
সুখৰ পাতবোৰ সৰি সৰি

সেউজীয়া বোৰ শেষ হৈ গ'ল
আৰু ক্ৰমে ক্ৰমে পাতবোৰে ঢাকি পেলাইছে মোক ।
.

দুখবোৰ সাগৰৰ পানীৰ দৰে

লুণিয়া বুকুত ডাঙৰ শিল
সপোনবোৰ একটকাত দিয়া

মেছেজ পঢ়ি ডিলিট কৰিলে শেষ
.

প্ৰতিশ্ৰুতি বোৰ কি ...?

প্ৰতিশ্ৰুতি লুইতৰ বাঢ়নি পানীৰ

কোবাল সোঁত এতিয়াই
হৃদয়ত বাৰিষাৰ পানীয়ে

এৰি যোৱা বোকাৰ প্ৰলেপ ।